]بنت اسمها (سلمى ) مدمنه انترنت وفيس بوك وياهو وكلام من ده زى حال جميع الشباب فى الدنيا وده مش عيب يعنى

مكنتش بتقوم من على النت غير تانى يوم الصبح وحياتها كلها انترنت بس مكنتش بتضيف او بتكلم حد متعرفهوش خصوصا لو ولد

قعدت على الحال ده سنتين والدنيا حلوه وزى الفل وتمام جدا
يوم من الايام بعتلها ولد اضافه على الفيس بوك وده كان الطبيعى وكانت بترفض كالعاده
بس الغريب فى المره دى
.
ان الولد بعتلها الادد اكتر من 5 مرات ولما بتكنسله بيرجع يبعتلها اضافه تانى

بعتتله مسج قالتله انا مش بضيف شباب عندى وياريت تحترم نفسك عشان انت مضايقنى وكلام من ده بقى

رد عليها بمسج قالها انا مش اى حد ضيفينى وهنشوف

سلمى استغربت اوى وحست ان الحوار فى حاجه غريبه المهم سابت الاضافه متعلقه يومين
وحكت الحوار ده لبنت صحبتها قالتلها بصى اقبليها لو كلامه زى باقى الناس نتعرف ومعرفش ايه امسحيه وفكك منه عادى يعنى

قالتلها تمام

المهم قبلت الادد وبعتتله مسج قالتله ممكن اعرف عايز منى ايه
وقفلت الجهاز وناامت ودماغها مش مبطله تفكير فى الموضوع ده
صحيت تانى يوم اول حاجه عملتها فتحت الجهاز من قبل ما تغسل وشها حتى
وجابت المسجات ولقت اللى مكنتش متوقعاه خاالص


صحيت سلمى تانى يوم وفتحت الفيس بوك وجابت المسجات عشان تشوف فى رد ولا لاء
البنت ملقتش رد ؟!!!!!! الغريب مش فى كده
الغريب انها جابت الفريندز ملقتش الولد ده عندها ؟؟!!
...فا اللى باين دلوقتى ان الولد مسحها من عنده طب لييه ؟؟ وكان ليه بعتلها اكتر من 5 مرات ادد

المهم سلمى اتضايقت واتجننت ازااااى ولد بعد ما يقبلها يمسحها
فا عملت سيرش عليه على الفيس بوك وكان مسجل نفسه ب البرنس محمد
عملت سيرش بالاسم ده بس ملقتش حد حاطت نفس صورته
عدى يوم واتنين وتلاته وسلمى متجننه بسبب اللى حصل
المهم كلمت صحبتها
سلمى : الو ايوه يا ساره
ساره : ايه يا مزه ازيك يا قمر
سلمى: تمام الحمد لله ..... ساره انتى فاكره اليوم اللى قولتلك ان واد عملى ادد وانا سبتها متعلقه يومين وكلام من ده
ساره : ولد ؟؟؟؟؟ وانا قولتلك اقبليه ؟؟ ازاى يابنتى محنا عارفين انك مبتكلميش ولاد خالص ده انتى بتتكسفى من باباكى يابنتى
سلمى : ....ساره انا مبهزرش دلوقتى وابوس ايدك افتكرى لما قولتلك انه بعتهالى اكتر من 5 مرات
ساره : ولا انا والله بهزر مش فاكره طب هى كانت من امتى
سلمى : يا سااااره مش من زمان اوى ده من 3 ايام ساره مالك فى ايه ؟؟؟؟!!!!!
ساره : انا بردو اللى مالى ؟؟ انتى اللى بتقولى كلام غريب ومش فهماه
سلمى : اوكى يا ساره هكلمك بعدين
ساره : لا استنى طمنينى عليكى
سلمى : لا مفيش حاجه بس هبقى احكيلك لما اشوفك
ساره : اوكاى يا مزه

قفلت سلمى ووشها جايب علبه الوان 32 لون ومش مصدقه اللى بيحصل
سلمى : طب انا بحلم ولا انا اتهيألى ؟؟!!!! متكونش ساره وعامله ولد وبتصيع عليا
بس لاء كان باين من كلامها انها مش بتهزر

المهم عدى اسبوع من بعد المكالمه
سلمى بتفتح الفيس بوك وعادى جداااااا وخلاص حوار البرنس محمد ده بدأت تنساه شويه بشويه ومبتفكرش فيه
فتحت الفيس بوك لقت نفس الاسم باعتلها ادد ونفس الصوره
اتخضت فى الاول بس المهم قبلتها وقالت انا لازم اكلمه واعرف مين ده
المهم قبلته وفتحت التشات ومستنيه انه يتكلم !!!!!!
ساعتين وهو مش عايز يتكلم

قالت لا لازم اعرف مين ده وهخش اكلمه انا
سلمى : هاى ممكن اعرف انت مين
محمد : هاى طيب نتعرف يعنى ؟
سلمى : لالاااااا انا مبتعرفش
محمد : انتى مجنونه ولا ايه
سلمى : احترم نفسك
محمد : ما تشوفى كلامك ؟!!!
سلمى : انت مستلمنى من اسبوع وزهقتنى بصراحه فا قولى انت مين
محمد بكل دهشه :: اسبوووووع ؟؟؟؟؟!!!!! انا لسه عامل الاكونت ده من يومين بالظبط
سلمى : نعممممم

دخلت عنده البروفايل لقت الفريندز 11 ومعندوش حاجات كتير
سلمى : انت متأكد
محمد : هو انتى فيكى حاجه ولا ايه بالظبط طب احكيلى ؟
سلمى : لا انا هقفل دلوقتى
محمد : لاااا لسه متكلمناش
سلمى : هنتكلم بعدين

قامت نامت وصحيت الساعه 6 الصبح بتفتح الجهاز لقته فاتح ؟!!!!
ومتكلمتش بردو ومستنياه يتكلم
بعد ما زهقت دخلت كلمته وقالتله ........
سلمى : ده انت بتتقل بقى
محمد : لالا مش تقل ولا حاجه بس انا مش بحب ارخم على بنت لو هى عايزه تتكلم هتتكلم وبعدين انتى فتحتى لقتينى فاتح من الزوق انك انتى اللى تخشى تكلمينى ؟؟
سلمى : هو انا اعرفك عشان اسلم عليك (ومن جواها نفسها تتعرف عليه عشان تفهم اللى حصل )
محمد : طب معنى كلامك اننا نتعرف ؟
سلمى : اوكاى مفيش مشاكل وهتبقى انت اول ولد كلمته على النت
محمد : يااااه دنا ليا الشرف هتتكتب فى التاريخ يعنى ؟
سلمى : هههههههه
محمد : هو انتى اسمك ايه (ملاحظه بسيطه : كانت كاتبه نفسها على الفيس ساسو )
سلمى : قولى ساسو وخلاص
محمد : طيب يا ساسو حلو ساسو بردو
سلمى : ميرسى
استريحو لبعض وكلمو بعض 4 ايام
ومحمد قطع اسبوع مبيخشش خاااالص
وسلمى واخداه كاصاحب فا عادى يعنى مسألتش عليه
بعد اسبوع فتح محمد
سلمى : انت فين يابنى كل ده ؟
محمد : معلش كنت فى عزا بنت قريبتى من بعيد وقصتها غريبه اوى يا ساسو
سلمى : ليه غريبه وعزا مين
محمد : ده عزا ....؟؟؟؟؟؟؟؟؟؟؟؟؟؟؟؟

وننزل بالتتر خلااااااااااااص



,,,,,,,,,,,,,,,,,,,,,,,,,,,,,,,,,,





خلصت الحلقه على ....
سلمى : فينك يابنى كل ده
محمد: معلش كنت فى عزا بس غريب شويه يا ساسو
سلمى : غريب ازاى وعزا مين ؟
محمد : ده عزا بنت كانت معايا فى الكليه ومكنتش اعرفها اوى اسمها سلمى ؟؟؟!!!!!!!!
...سلمى : ياساتر يارب
محمد : ايه مالك فى ايه ؟
سلمى : لا مفيش بس زعلت على البنت مش اكتر عشان لسه صغيره وكده
محمد : بصى يا ساسو الموت ده بتاع ربنا صغير او كبير مش فارقه بس المشكله انها قبل ما تموت ب 5 ايام كانت غريبه اوى اااوى جدا وعلى غير طبيعتها
سلمى (وبدأ الحوار يشدها ويعجبها ) : غريبه اازاى يعنى احكيلى
محمد : بصى يوم موتها قعدت تقول انا عايزه ارجع بيتى انا عارفه انى هموت دلوقتى وقعدت تصوت جااامد
سلمى : يا ساتر ما يمكن تكون مريضه ولا حاجه
محمد : مش عارف بس اللى اعرفه انها قبل ما تموت ب 5 ايام كانت مرهقه وتعبانه جداا وشكلها منمش من فتره ومش عارف السبب
سلمى : ها كمل
محمد : وياستى فضلت سهرانه بردو لتانى يوم وتانى يوم ده كان غريب اوى بردو
سلمى : غريب ازاى
محمد: ايه ياساسو شغلك اوى حوار البنت دى ؟! تكونيش انتى مهو ساسو تنفع سلمى ههههه
سلمى : هههههه ياساتر الملافظ سعد يا محمد يلااا كمل والنبى
محمد : حاضر حاضر المهم اليوم التانى ده اللى هو رابع يوم قبل ما تموت
شقتهم بعيد عن السامعين يارب ولعت كلهاااا ومن ستر ربنا انها خرجت سليمه مفهاش اى حاجه ومبتحكيش اللى حصل ؟!! ولا عايزه تقول حصل ايه
سلمى : غريبه اوى ده
محمد : اه جدا ياستى
واخر يوم عرفنا بقى انها توفت بس قبل ما تموت كانت بتجرى وتصرخ بتقول مش عايزه اموت
مشونى من هنااااا
سلمى : ياسااااتر يارب ياساتر الله ما اعفينا بس تمشى تروح فين ؟
محمد : يارب
سلمى : محمد ينفع نتقابل ؟
محمد : لالالالالالالالالالالا وانا هقفل ونتكلم بعدين يلا سلام
سلمى استغربت جداااا جدااااااااا ااااوى لان مفيش ولد هيعمل كده طبعا
ده احنا بنستنى اى هاى تتقال من اى فرخه فى الشارع
المهم حست انها ااحرجت اوى اوى فا قفلت النت وبصت فى الساعه لقيتها 8 الصبح المهم صحت ابوها يروح الشغل ومامتها صحيت وقالتلها انا هنزل اجيب عيش من الفرن
سلمى قالتلها ماشى وانا هحمر بطاطس لحد ما تيجى عشان نفطر

دخلت سلمى تحضر البطاطس وحطت الزيت ورجعت تتفرج على التليفزيون لحد ما الزيت يسخن كده ومن ارهاقها وتعابها نامت طبعااا وقامت على ريحه الشياط والحريقه والبيت كان فظيع ربنا ما يورى حد
سلمى شافت المنظر ده اوغمى عليهاااا ووقعت على الارض
الشاشه تسوووود تسووووود تسوووووود
والموسيقى بتهدى بتهدى بتهدى
وتصحى سلمى تلاقى نفسها فى ؟؟؟؟؟؟؟؟؟؟؟؟؟ظظظ
وتصحى سلمى فى يوم جديد وتلاقى نفسها فى ؟!!!!!!!!!!!!!!!!!!!!!!




,,,,,,,,,,,,,,,,,,,,,,,,,,,,,



اااااااااااخر حلقه يا جماعه من قصه البت سلمى اللى خنقت ناس كتير اوى Smile)

خلصت الحلقه على ان سلمى صحيت ولقت نفسها فى مكان غير المكان
بتبص حواليها سلمى : انا فين ؟! ايه ده انا ايه اللى جابنى هنا مش ده الشاليه بتاعنا فى اسكندريه
طب ايه اللى جابنى هنا ؟! هو ايه اللى حصل انا اخر حاجه فكراها النار فى بيتنا
...
دخل ابو وام سلمى والفرحه على وشهم وفى نفس الوقت دهشه
ام سلمى : حبيبتى حمد الله ع السلامه الحمد لله انك بخير الحمد لله يارب الحمد لله يارب
سلمى بتبصى بأستغراب جداا ومش فاهمه بس بدأت تجمع

ابو سلمى : حبيبتى ؟! حمد الله ع السلامه فى داهيه الشقه اهم حاجه انتى
ام سلمى : طب اشربى العصير ده واهدى يا حبيبتى
سلمى : مش واقته
بابا احنا ايه اللى جابنا هنا والشقه حصلها ايه ؟!
ابو سلمى : محصلش يا حبيبتى بس احنا عايزين نسمع منك بقى ايه اللى حصل
كل اللى نعرفه ان مامتك رجعت من بره لقيتك مرميه على الارض ومن ستر ربنا النار ملمستكيش
دى تعتبر معجزه الحمد لله
سلمى : نا.... اي.... هو فى ايه ؟ ودماغها بدأت تشتغل وتجيب كلام محمد
ام سلمى : خلاص يا حبيبتى قومى بقى خديلك دش وفوقى نفسك كده الحمد لله انك بخير
سلمى : بابا انا عايزه الاب توب اشوف حاجه بسرعه ؟!!!!
ابو سلمى : ياااااه على النت اللى مضيعك ده حرام عليكى يابنتى بقى
احنا زهقنا من الكلام ده
ام سلمى : اهدى اهدى البنت لسه مفاقتش
ابو سلمى : يا شيخه انا قرفت بقى
سلمى : بابا والنبى لو بتحبنى هشوف حاجه وهقفل على طول والله بس ضرورى جدااا
ابو سلمى : يووووه اهو عندك اهو صدق من سماه ادمان صحيح ؟!!!
سلمى دخلت على الفيس بوك ونفسها ان محمد يبقى فاتح لكن للاسف
مش فاتح قالت هبعتله مسج لازم افهم ايه اللى حصل للبنت التانيه قصتى شبها جداااا
سلمى بدور على محمد فى الفريندز ؟!!!!!!!!!!!!؟؟!!
محمد مش موجود !!!!!!!!!
تعمل سيرش على النت مفيش حد بالاسم ده

سلمى جالها حاله سكوووووت تاااااام خالص ومبتقولش حاجه ومصدومه تماماااا
ابو سلمى : ها يابنتى لقيتى اللى بتدورى عليه
سلمى : انا عايزه اروح ؟!!!!!!
ابو سلمى : نعم!!!!!!!!! حبيبتى انتى لسه تحت تأثير الصدمه
سلمى بزعيق وصوت عااالى : انا مش عااااايزه اموووووت روووووحنى دلوووقتى
ام سلمى : فى ايه يابنتى فهمينا
سلمى : انا كل اللى عيزاه اروح لو عايزنى اعيش روحنى
ابو سلمى : طب اوكاى اوكاى اهدى بس هنروح فين الشقه ادمرت هنروح فين ولمين يا حبيبتى
سلمى : بابا نمشى من هنا وخلاص بابا انا هموت انهارده
ابوها : يا ساتر يابنتى حصلك ايه انا هتصل بالدكتور
سلمى : لاااااااا يابابا والنبى اسمع كلامى عشان خطرى لو مروحتنيش انا هجرى فى الطريق واشوف حد يروحنى
ابوها : انتى اتجننتى يابنتى ؟!
سلمى : اااااااه والنبى عشان خطرى اعتبرنى مجنونه والنبى
ابوها سمع كلامها بعد مناهده طويييله جدا بس قال لاوم سلمى انا هخادها الشقه بتاعتنا اوريهالها واقنعها وارجع تانى خليكى هنا
المهم ركبو العربيه وماشين فى الطريق وسلمى قاعده ورا وشها مرهق جدااااا وعنيها حمره وجسمها بيترعش
ومره واحده ؟!!!!!



سلمى : بابا اوقف هنا؟!!!!!
ابوها : اقف فين يا سلمى احنا على الطريق ومفيش حاجه جنبنا ؟!!!!
سلمى : اقف فى حد بينادى هناك يا بابا انت مش سامع
ابوها وفى عينه دموع : سلمى استهدى بالله صلى على النبى
سلمى : يا بابا فى حد بينادى وبيستغيث
المهم ابوها وقف

ونزلت سلمى بتجرى على الطريق وشافت واحد مرمى على الطريق بيجيب دم من كل حته وسلمى واقفه مش عارفه تعمل ايه
قالت فى بالها انا فى اى لحظه هموت ؟!
ويمكن يكون ده انذار ليا عشان يورينى الموت قبل ما يحصلى ؟!!!!
طب وانا انقذه ليه ما الحق اروح انا ؟؟؟!!!! عشان ميحصليش نفس اللى حصل للبنت
بس لازم انقذ حياته حتى لو انا هموت ؟!!!
سلمى : باباااااا تعالى الحقنى وشيل معايا
ابوها جيه وشافه وعرف انه لسه فيه الروح بس مش مفتح عينه ولا حتى فى صوت طالعله
جاب غطا العربيه ولفه بيه ودخله العربيه وسلمى شايفه الموقف ده ومصدومه صدمه عمرها ومن جواها مستنيه موتها ؟!
راحو المستشفى ودخل طبعا العمليات وسلمى نايمه على الكرسى وابوها واقف بيدعى ربنا انه يسترها
وفجأه ابوها باصلها وصاحها
ابوها : سلمى ؟! سلمى !!!!
سلمى : ايوه يابابا نعم
ابوها : انتى ازاى سمعتى صوت الولد اللى بيموت ده هو كان نفسه بيطلع بالعافيه ؟!
سلمى : مش عارفه فى حاجه خلتنى اعمل كده
ابوها : انتى انقذتى حياته ؟! ربنا يديكى طوله العمر يابنتى
سلمى باستهزاء : مش باين يا بابا ؟!!!! بابا انا هحكيلك على اللى حصلى
ابوها : ياريت

حكت سلمى وابوها بيسمع بصمت وتركيز شدييييد
وبصلها كده ولسه هيتكلم الممرضه دخلت : يا جماعه انتو صحاب الحاله اللى لسه داخله
ابوها :ايوه احنا
الممرضه : انتو انقذتو حياته ده بقالو كتير بينزف
سلمى : بقاله قد ايه كده ؟!
الممرضه : 5 ايام
سلمى : ؟!!!! ملقتوش معاه اى حاجه تثبت شخصيته
الممرضه : اه تقريبا اسمه محمد
سلمى : محمد ؟!!!!!! ؟!!

المهم عدى يومين وهما فى المستشفى وقدر محمد يتكلم
سلمى : حمدالله على السلامه
محمد: الحمدلله الله يسلمك
سلمى : انت ايه اللى عمل فيك كده
محمد: بصى حكايه طويله بس اللى مش هقدر انساه ان كان فى حاجه بطمنى ومخليانى حاسس ان فى حد هينقذنى ؟!!
سلمى : وانا فى حاجه خلتنى اسمع صوتك واعرف انك بتموت مع ان مكنش طالع ليك صوت اساسا
انت ليك فى الفيس بوك ؟!
محمد بضحكه كده : لا والله بس تصدقى نفسى اخشه
سلمى : قوم انت بالسلامه وحققلك اللى فى نفسك

بعد 5 ايام
ابو سلمى : انتى اهو عايشه والحمد لله هقولك على تفسير اللى حصلك انا سألت شيخ فى الكلام ده
سلمى :هااا ؟!!!
ابوها : التفسير الوحيد ان اللى كان بيكلمك على الفيس ده زى ما يكون رسول او مرسال او بمعنى تانى روح بترشدك للطريق عشان تنقذى محمد
وفى اسباب للتفسير ده
اول حاجه لان صحبتك بعد ما حكيتيلها فى حاجه نستها ولما طلبتى انك تقابليه رفض جدااا وده مبيحصلش
ولما بتحاولى تدورى عليه على الفيس بوك مكنتيش بتلاقيه
ومكنش ينفع يخش هو يكلمك
لان ده زى قدرك وانتى اللى اختارتيه ودخلتى عليه

اه صح وعلى فكره ؟! فاكره العصير اللى ماما كانت عايزه تشربهولك ؟ كان منتهى الصلاحيه وماما شافت كده بالصدفه على العلبه بعد ماحنا نزلنا

سلمى : يعنى انا كنت هموت فعلا ؟!
ابو سلمى : اه صح بس ربنا انقذ حياتك عشان اختارتى انك تنقذى حياه حد تانى وانتى من جواكى كنتى حاسه انك خلاص هتموتى

وبسسس خلصت القصه على خير وسلمى حياتها اتغيرت 180 درجه
ومتخافوش متجوزتش محمد والجو بتاع سندريلا ده d:

تقولو بقى خياليه تقولو قصه متألفه
بس انا بقولكو الاحداث حقيقيه بس بأسلوب مختلف بس
ومحدش يسألنى مين قالك عليها عشان دى اسرار دوله يا جماعه
شكرااااااا